తెలంగాణలో తొలి ట్రాన్స్‌జెండర్ డాక్టర్స్..

తెలంగాణలో ఇద్దరు ట్రాన్స్‌జెండర్లు ప్రభుత్వ డాక్టర్లుగా నియమితులై వైద్యం చేస్తున్నారు.

డాక్టర్ ప్రాచీ రాథోడ్, డాక్టర్ రూథ్‌ జాన్‌లు ఉస్మానియా ఆసుపత్రిలోని ఏఆర్టీ క్లినిక్‌లో చికిత్స అందిస్తున్నారు.

నిజామాబాద్ జిల్లాకు చెందిన ప్రాచీ, ఖమ్మం జిల్లాకు చెందిన రూథ్‌లు 29, 28 ఏళ్ల వయసున్న యువ డాక్టర్లు.

కష్టపడి ఎంబీబీఎస్ పూర్తి చేశారు కానీ, వారు స్థిరంగా ఒక చోట ఉండి వైద్యం చేయడానికి, ఎండీ, ఎంఎస్ చదవడానికి వారి జెండర్ పెద్ద అడ్డంకి అయింది.

ఆ సందర్భంలో ఉస్మానియాలో మెడికల్ ఆఫీసర్లుగా చేరి, ఒక్కసారిగా అందరి దృష్టినీ ఆకర్షించారు ఈ యువ ట్రాన్స్‌జెండర్లు

‘‘నాకు ఐదేళ్ల వయసునప్పటి నుంచే నా శరీరం భిన్నంగా ఉందన్న అవగాహన నాకు కలిగింది. కానీ స్కూలు వయసులో నాకు అంత అవగాహన లేదు. వయసు పెరిగే కొద్దీ అవగాహన పెంచుకుంటూ వచ్చాను. తరువాత ఎంబీబీఎస్‌లో చేరినప్పుడు పూర్తి స్థాయిలో ఈ ప్రపంచానికి చెప్పేశాను. నేను ఒక ట్రాన్స్ మహిళను అని’’ అన్నారు ప్రాచీ.

‘‘ఎంబీబీఎస్ మొదట్లోనే ఫ్రెషర్స్ పార్టీకే నేను చీర కట్టుకుని వెళ్లాను. అక్కడే ప్రకటించాను. ఎవరు నాతో మాట్లాడనీ, మాట్లాడకపోనీ, నేను నా ఐడెంటిటీని అక్కడ ప్రకటించాను’’అని ఆదిలాబాద్ రిమ్స్‌లో ఎంబీబీఎస్ చదివిన ప్రాచీ, తాను మొదటిసారి ట్రాన్స్ జెండర్ అని ప్రకటించుకున్న సందర్భాన్ని గుర్తు చేసుకున్నారు.

‘‘నాకు ఏడేళ్ల అప్పటి నుంచే నేను భిన్నంగా ఉన్నానని గుర్తించాను. అబ్బాయిలతో కలవలేక పోయేదాన్ని. అమ్మాయిలతో కలిసేదాన్ని. అమ్మాయిలతో ఉండటానికి ఇష్టపడేదాన్ని. ఆడపిల్లల బట్టలు వేసుకోవడం లాంటివి ఇష్టం ఉండేది. కానీ ట్రాన్స్‌జెండర్లపై సమాజంలో ఉన్న వివక్షను చూశాక, ముందుగా నా చదువులపై శ్రద్ధ పెట్టాలి అని నిర్ణయించుకున్నాను. బాగా చదవాలని నిర్ణయించుకున్నాను. ఇక 2017 ఎంబీబీఎస్ తరువాత నేను ట్రాన్స్ వ్యక్తిని అని కుటుంబ సభ్యులతో చెప్పాను. అప్పటి నుంచే అందరికీ చెబుతూ వస్తున్నాను’’ అంటూ తన అనుభవాలు పంచుకున్నారు రూథ్.

అన్నీ తెలిసిన డాక్టర్ల నుంచే వివక్ష…

సాధరణంగా మనిషి శారీరక, మానసిక భిన్నత్వంపై డాక్టర్లకు ఎక్కవ అవగాహన ఉంటుందనేది సగటు భావన. కానీ తమకు మెడికల్ కమ్యూనిటీ నుంచి తీవ్రమైన వివక్ష ఎదురైందంటారు ఈ ట్రాన్స్ జెండర్ డాక్టర్లు.

‘‘అసలు ప్రైవేటు వైద్యుల్లో జెండర్ సెన్సిటివిటీ చాలా తక్కువ. లేదని కూడా చెప్పొచ్చు. వారికి ఎల్జీబీటీక్యూ ప్లస్ అంటే తెలియదు. నేను వైద్యుల నుంచి కూడా చాలా వివక్ష ఎదుర్కొన్నాను. ట్రాన్స్‌జెండర్ అవడం వల్లే ఉద్యోగం కోల్పోయాను’’ అన్నారు ప్రాచీ.

‘‘డాక్టర్లలో కూడా వివక్ష ఉంటుంది. నా సర్టిఫికేట్లు పట్టుకుని ఎన్నో ఆసుపత్రులకు ఉద్యోగం కోసం వెళ్లాను. వాళ్లెవరూ నాకు ఉద్యోగం ఇవ్వలేదు. ఫోన్ చేస్తామంటారు. ఫోన్ రాదు. దీంతో ఇక బతకడం ఎలా అని భయపడ్డాను. ఎన్నోసార్లు ఏడ్చాను. ఒక దశలో ఆత్మహత్య చేసుకుదాం అని కూడా అనుకున్నాను. ఒకే ఆసుపత్రికి ఉద్యోగం కోసం మూడుసార్లు వెళ్లిన సందర్భాలు కూడా ఉన్నాయి’’ అంటూ గుర్తు చేసుకున్నారు రూథ్.

వీరిద్దరూ గతంలో ఒక స్వచ్ఛంద సంస్థ ట్రాన్స్ వ్యక్తుల కోసం నడిపే క్లినిక్‌లో సేవలు అందించారు. తెలంగాణ ఎయిడ్స్ కంట్రోల్ సొసైటీ ఆధ్వర్యంలో, ఉస్మానియా ఆసుపత్రి క్యాంపస్‌లో వైరల్ వ్యాధుల క్లినిక్ ఉంది. అందులో మెడికల్ ఆఫీసర్ కోసం నోటిఫికేషన్ పడినప్పుడు అప్లై చేశారు. వారిని ఇంటర్వ్యూ చేసి మెడికల్ ఆఫీసర్లుగా నియమించారు ఉస్మానియా ఆసుపత్రి సూపరింటెండెంట్. దీంతో నవంబర్ 24 నుంచి వారు ఇక్కడ వైద్యం చేస్తున్నారు.

పేషెంట్లు ఎలా స్పందిస్తారు?

డాక్టర్లుగా రోగులను చూసేప్పుడు భిన్నమైన అనుభవాలు ఎదుర్కొన్నారు ఈ వైద్యులు. అయితే తమ చికిత్స చూసిన తరువాత రోగుల అభిప్రాయమే మారిపోయిందంటూ చెప్పుకొచ్చారు.

‘‘నేను కొంత కాలం సొంతంగా క్లినిక్ నడిపాను. అక్కడ మొదట్లో రావడానికి సంకోచించేవారు. తరువాత నా వైద్యం చూశాక రావడం మొదలైంది’’అని రూథ్ చెప్పారు.

‘‘ఇక్కడ పేషెంట్ల నుంచి ఆశ్చర్యకరమైన అనుభవాలు ఎదురయ్యాయి. చికిత్స అంతా పూర్తయిన తరువాత, చాలా బావుంది. మీరు మాకు చాలా మంచి వైద్యం చేశారు. మీ నుంచి చికిత్స తీసుకోవడం సంతోషం అంటారు పేషెంట్లు’’అని ఆమె వివరించారు.

‘‘కొందరైతే మిమ్మల్ని దేవుళ్లలా చూస్తాం. అలాంటిది మీ చేతి వైద్యం చేయడం ఇంకా మంచిది.’’ అంటూ చెబుతుంటారు అన్నారు రూథ్.

మొదట్లో సందేహంగా వచ్చే పేషెంట్లు, తరువాత తమతో మాట్లాడి, తాము వైద్యం చేసే విధానం చూసి అభినందిస్తారని చెప్పుకొచ్చారు వీరు.

‘‘నేను చాలా కాలం ప్రైవేటు ఆసుపత్రిలోని ఎమెర్జెన్సీ వార్డులో డ్యూటీ చేశాను. మొదట్లో నన్ను చూసి నా దగ్గరకు రావడానికి సంకోచించిన పేషెంట్లు, నేను చేసిన వైద్యం చూసి ఎంతో సంతోషించేవారు. నేను చేసే చికిత్సతో వారు సంతృప్తి చెందేవారు. కొందరు మొదట్లో ఇబ్బంది పడినా, ఎమెర్జెన్సీ కాబట్టి తప్పక నా దగ్గరకు వచ్చి తరువాత వారి ఆలోచన మార్చుకున్నారు’’ అంటూ చెప్పారు ప్రాచీ.

‘‘ఇప్పటికీ చాలా మంది మమ్మల్ని అభినందిస్తుంటారు. మీరు మాకు స్ఫూర్తి అని చెబుతుంటారు’’అని అన్నారు ప్రాచీ.

గతంలో వైద్యులు, నర్సుల నుంచి కూడా వివక్ష, ఎగతాళి భరించిన వీరు ఉస్మానియాలో మాత్రాం పరిస్థితి భిన్నంగా ఉందనే చెబుతున్నారు. తమకు ఇక్కడ గౌరవం దక్కుతోందన్నారు.

ఇల్లు.. కాలేజీ.. ఆసుపత్రి.. అన్ని చోట్లా అదే అనుభవం..

రూథ్, ప్రాచీలు ముందు నుంచీ చదువుపై శ్రద్ధ పెట్టారు. అయినప్పటికీ వారి నైపుణ్యం, తెలివితేటల కంటే వారి శరీరమే ఎక్కువ డిస్కషన్ సబ్జెక్ట్ అయ్యేది. మూడు పదులు దాటక ముందే వారు జీవితంలో ఎన్నెన్నో అవమానాలు ఎదుర్కొన్నారు.

వివక్ష చూసి ఎప్పుడైనా కన్నీళ్లు పెట్టుకున్నారా అని అడిగితే, ‘‘బోలెడన్ని సార్లు..’’ ‘‘అసలు ట్రాన్స్‌జెండర్ జీవితమంటేనే కన్నీళ్లమయం అండీ..’’ అంటూ సమాధానం ఇచ్చారు ప్రాచీ.

‘‘నేను చదువుకునే సమయచంలో అసలు థర్డ్ జెండర్ కాలమే లేదు. వివక్ష ఎక్కువ ఉండేది. స్కూల్లో, కాలేజీలో బాగా ఆటపట్టించేవారు. అందుకే ఇక ఎంబీబీఎస్‌లో చేరాక చాలా ఒంటరిగా (ఐసోలేటెడ్)గా ఉండేదాన్ని. ఎవరితో పెద్దగా కలిసేదాన్ని కాదు. ఎంబీబీఎస్ మొత్తం అలానేసాగింది’’ అంటూ చెప్పారు రూథ్.

’’2017లో నేను నా ఐడెంటిటీ చెప్పిన తరువాత చాలా మంది అంగీకరించారు.. నాతో బావున్నారు. కొందరు అంగీకరించలేదు. నాతో మాట్లడడం మానేశారు’’ అన్నారు రూథ్.

‘‘స్కూల్, కాలేజీల్లో తీవ్రమైన వివక్ష ఎదుర్కొన్నాను. నా వెనుక నవ్వేవారు. చాలా కష్టంగా ఉండేది’’అని అన్నారు ప్రాచీ.

ఇప్పటికీ ఆమె కుటుంబం ప్రాచీతో మాట్లాడడం లేదు. ‘‘నాకు వారిపై కోపం లేదు. వారి పరిస్థితులను కూడా మనం అర్థం చేసుకోవాలి కదా!’’అని అన్నారామె.

‘‘ట్రాన్స్‌జెండర్లు ఐడెంటిటీ రివీల్ చేస్తే ఒక సమస్య, చేయకపోతే ఒక సమస్య. ఎవరికీ చెప్పకపోతే నీ వెనుక నవ్వుతారు. వెకిలి చేస్తారు. రకరకాలుగా మాట్లాడతారు. నేను ట్రాన్స్‌జెండర్ అని చెప్పాక, ఏకంగా ఉద్యోగం కోల్పోయాను. ప్రైవేటు ఆసుపత్రి వారు నన్ను ఉద్యోగం లో నుంచి తీసేశారు’’అని అన్నారు ప్రాచీ.

‘‘చాలా మంది ట్రాన్స్ వ్యక్తులు భిక్షాటన చేస్తూ, డాన్సులు చేస్తూ, బతుకుతున్నారు. వారిని తప్పు పట్టను. సమాజం అలా ఉంది ఇప్పుడు. ఒకవేళ చదువుకోకపోయుంటే నేనూ అలానే చేసేదాన్నేమో.. ట్రాన్స్ వ్యక్తులంటే ఉన్న ఆ అభిప్రాయం తొలగించాలి. నేను డాక్టర్‌ని అని చెప్పినా నాకు ఇల్లు దొరకడం కష్టం అయింది. సరైన ఇల్లు దొరకడానికి ఏడాది పట్టింది. కానీ ఒకసారి ఇంట్లో చేరాక, అక్కడ సొసైటీ వారు నా ప్రవర్తన చూసి నన్నెంతో గౌరవిస్తారు. ఎంతో ఆదరంగా చూస్తారు’’అని అన్నారు ప్రాచీ.

పీజీ కష్టాలు..  

ఇప్పుడు డాక్టర్లు చాలా మంది ఎంబీబీఎస్‌తో సరిపెట్టకుండా పీజీ చేయాలనుకుంటున్నారు.

కానీ పీజీ విషయంలో కూడా వీరికి సమస్య ఎదురైంది.

నీట్ పరీక్షలో థర్డ్ జెండర్ కాలమ్ ఉన్నప్పటికీ, తెలంగాణ కౌన్సెలింగ్‌లో ఆ కాలమ్ లేదు.

‘‘పీజీలో గైనిక్ చదవాలనుకున్నాను. నీట్‌లో మంచి ర్యాంక్ వచ్చింది. కానీ థర్డ్ జెండర్ కింద కౌన్సెలింగ్ చేయబోమన్నారు. నా ఐడెంటిటనీ దాచుకుని నేను అడ్మిషన్ తీసుకోవడం ఇష్టం లేదు. అందుకే దానిపై పోరాడుతున్నాం’’అని చెప్పారు రూథ్.

‘ఫ్రెషర్స్ పార్టీకే నేను చీర కట్టుకుని వెళ్లాను. అక్కడే ప్రకటించాను. ఎవరు నాతో మాట్లాడనీ, మాట్లాడకపోనీ, నేను నా ఐడెంటిటీని బయటకు చెప్పాలని అనుకున్నాను’’అని తాను మొదటిసారి ట్రాన్స్‌జెండర్ అని ప్రకటించుకున్న సందర్భాన్ని గుర్తు చేసుకున్నారు ప్రాచీ.

.

  

 బీఆర్ఎస్ నుంచి వ‌ల‌స‌లు !?

 

తెలంగాణలో ఎన్నిక‌లు స‌మీపిస్తున్న నేప‌థ్యంలో అస‌మ్మ‌తి గ‌ళాలు వినిపిస్తున్నాయి. తాజాగా అధికార పార్టీ బీఆర్ఎస్‌లో ఐదుగురు ఎమ్మెల్యేలు భేటీ కావ‌డం, మంత్రి మ‌ల్లారెడ్డిపై అసంతృప్తి వ్య‌ క్తం చేయ‌డం ర‌క‌ర‌కాల చ‌ర్చ‌ ల‌కు దారి తీస్తున్నాయి. ప‌రోక్షంగా బీజేపీకి సంకేతాలు ఇస్తున్నార‌నే ప్ర‌చారం జ‌రుగుతోంది. ప్ర‌ స్తుతం తెలంగాణ‌లో బీఆర్ఎస్ వ‌ర్రెస్ బీజేపీగా రాజ‌కీయం సాగుతోంది. కాంగ్రెస్‌లో అంత‌ర్గ‌ త కుమ్ములాట‌లు ఆ పార్టీని రోజురోజుకూ మ‌రింత దిగ‌జారుస్తున్నాయి.

దీంతో కాంగ్రెస్‌, బీఆర్ఎస్‌లో అస‌మ్మతి, అసంతృప్తి నేత‌ల‌పై బీజేపీ డేగ క‌న్ను వేసింది. ఏ మాత్రం అవ‌కాశం ఉన్నా... వారిని త‌న్నుకుపోవ‌డానికి బీజేపీ కాచుకుని వుంది. ఈ నేప‌థ్యంలో ఎమ్మెల్యే మైనంప‌ల్లి నివాసంలో కుత్బూల్లాపూర్‌, కూక‌ట్‌ప‌ల్లి, శేరిలింగంప‌ల్లి, ఉప్ప‌ల్ ఎమ్మెల్యేలు వివేక్‌గౌడ్‌, మాధ‌వ‌రం కృష్ణారావు, అరికెపూడి గాంధీ, బేతి సుభాష్‌రెడ్డి భేటీ కావ‌డం తీవ్ర చ‌ర్చ‌నీయాంశ‌మైంది.

వీరిలో మెజార్టీ ఎమ్మెల్యేలు పార్టీ ఫిరాయింపుల‌కు పాల్ప‌ డిన వారే కావ‌డంతో, బీఆర్ఎస్‌లో నిబ‌ద్ధ‌ త‌తో వుంటార‌నుకోవ‌డం భ్ర‌మే. మ‌ళ్లీ అధికారంలోకి వ‌స్తామ‌నే న‌మ్మ‌కం లేక‌పోతే... బీఆర్ఎస్‌లో ఒక్క నిమిషం కూడా ఉండ‌ర‌నే ప్ర‌ చారం జ‌రుగుతోంది. ఇవాళ్టి స‌మావేశంలో మంత్రి మ‌ల్లారెడ్డి వైఖ‌రిపై తీవ్ర ఆగ్ర‌హం వ్య‌క్తం చేసిన‌ట్టు ప్ర‌ చారం జ‌రుగుతోంది. ముఖ్యంగా ప‌ద‌వులు, అభివృద్ధి విష‌యాల్లో మంత్రి మ‌ల్లారెడ్డి ఒంటెత్తు పోక‌డ‌తో వ్య‌ వ‌హ‌రిస్తున్నార‌నేది ఎమ్మెల్యేల ఆరోప‌ణ‌.

స్థానికంగా త‌మ వాళ్లు ప‌ద‌వులు ఆశిస్తున్నార‌ని, కానీ మ‌ల్లారెడ్డి అన్నీ త‌న నియోజ‌క‌వ‌ర్గానికే తీసుకెళుతున్నార‌నే ఆరోప‌ణ ఆ ఐదుగురు ఎమ్మెల్యేల నుంచి విన‌వ‌స్తోంది. కుత్బుల్లాపూర్ మార్కెట్ కమిటీ ఛైర్మన్ పదవి త‌న మ‌నిషికి కావాల‌ని చెప్పినా, మ‌రొక‌రికి ఇచ్చార‌ని ఎమ్మెల్యే వివేక్ ఆగ్రహంగా ఉన్నార‌ని స‌మాచారం. అలాగే త‌న‌కు తెలియ‌కుండా మిగిలిన ఎమ్మెల్యేలకు ప‌నులు చేయ‌వ‌ద్ద‌ ని క‌లెక్ట‌ ర్‌కు మంత్రి మ‌ల్లారెడ్డి చెప్పిన‌ట్టు ఎమ్మెల్యేలు ఆరోపిస్తున్నారు.

త‌మ గోడును త్వ‌ ర‌లో సీఎం కేసీఆర్ దృష్టికి తీసుకెళ్లాల‌ని నిర్ణ‌ యించుకున్న‌ ట్టు వారు చెప్పారు. ఇది ర‌హ‌స్య భేటీ కాద‌ని, దీనికి ప్రాధాన్యం లేద‌ని ఎమ్మెల్యేలు చెబుతున్నారు. కానీ బీఆర్ఎస్‌లో తాము అసంతృప్తిగా ఉన్నామ‌నే సందేశాన్ని, సంకేతాల్ని బీజేపీకి పంపిన‌ట్టు  ప్ర‌ చారం జ‌రుగుతోంది. రానున్న రోజుల్లో బీఆర్ఎస్ నుంచి వ‌ల‌స‌లు త‌ప్ప‌ వ‌నే చ‌ర్చ‌కు తెర‌లేచింది.

 

 కరీంనగర్ జిల్లాలో ట్రాన్స్ జెండర్ను పెళ్లి చేసుకున్న యువకుడు

 

కరీంనగర్ జిల్లా : కరీంనగర్ జిల్లాలో ఓ యువకుడు ట్రాన్స్ జెండర్ ను పెళ్లి చేసుకున్నాడు. జమ్మికుంటలో నివసిస్తున్న ట్రాన్స్ జెండర్ దివ్యను.. జగిత్యాలకు చెందిన అర్షద్ అనే యువకుడు వివాహం చేసుకున్నాడు. ఇంట్లో పెద్దలు అంగీకరించకపోయినా తాము ఒకరికొకరం తోడుగా కలిసి జీవించాలని నిర్ణయించుకుని సాంప్రదాయ పద్ధతిలో పెళ్లి చేసుకున్నారు. 

జగిత్యాలకు చెందిన అర్షద్..వీణవంకకు చెందిన ట్రాన్స్ జెండర్ దివ్య ప్రేమలో పడ్డాడు. అర్షద్ కోసం దివ్య సర్జరీ చేయించుకున్నారు. తమ పెళ్లికి తల్లిదండ్రులు, బంధువులు సపోర్ట్ చేయకపోయినా.. అర్షద్ మాత్రం పెళ్లికి ఒప్పుకోవడంతో ఇద్దరూ పెళ్లి చేసుకున్నారు. తనతో జీవితాంతం తోడుగా ఉంటానని అర్హద్ చెప్పడంతో తన ప్రేమను కాదనలేకపోయానని దివ్య చెప్పారు. ఇంట్లో సాంప్రదాయ బద్దంగా పెళ్లి చేసుకున్న తర్వాత దైవ దర్శనం కోసం ఇల్లంతకుంట శ్రీ సీతారామ చంద్రస్వామి ఆలయ దర్శనానికి జంటగా వచ్చారు. ఆలయంలో ప్రదక్షిణలు చేసి పూజలు చేసి, ఆశీర్వాదం తీసుకున్నారు

 

మూడు సార్లు విషప్రయోగం జరిగినా బతికి బయటపడిన షానుబీ…

 

 

ఎంత పకడ్బందీగా హత్య చేసినా, అందుబాటులో ఉన్న సాంకేతిక పరిజ్ఞానం సహాయంతో హంతకుడ్ని పట్టుకోగలుగుతున్నారు. అందుకే ఓ దుర్మార్గుడు వెరైటీగా ఆలోచించాడు. పాము కాటుతో హత్య చేయాలని నిర్ణయించుకున్నాడు. పథకాన్ని సక్సెస్ ఫుల్ గానే అమలు చేశాడు కానీ ఫలితం మాత్రం రివర్స్ కొట్టింది

మధ్యప్రదేశ్ లోని మాల్యా ఖేడీ గ్రామానికి చెందిన మోజిమ్ స్మగ్లింగ్ చేసి దొరికిపోయాడు. రెండేళ్లు జైలుశిక్ష పడింది. దీంతో అతడి భార్య షాను బీ, వేరే ఊరు వెళ్లిపోయింది. జైలు నుంచి తిరిగొచ్చిన మోజిమ్, మొదటి భార్యను పట్టించుకోలేదు. హలీమా అనే అనే మరో అమ్మాయిని పెళ్లి చేసుకున్నాడు.

రెండో పెళ్లి చేసుకున్నాడని తెలుసుకున్న మొదటి భార్య పంచాయితీ పెట్టింది. దీంతో ఇద్దరితో కాపురం చేయడానికి అంగీకరించాడు మోజిమ్. అయితే రెండో భార్యకు ఇది నచ్చలేదు. దీంతో మొదటి భార్య షానుబీని అంతమొందించాలని నిర్ణయించుకున్నాడు మోజిమ్.

పాము కాటుతో హత్య..

ఎలా చంపినా పోలీసులకు దొరికిపోతాని మోజిమ్ కు బాగా తెలుసు. పైగా పోలీస్ ట్రీట్ మెంట్ ఎలా ఉంటుందో అతడికి అనుభవం కూడా ఉంది. అందుకే పాములు పట్టే తన స్నేహితుడి సహాయం తీసుకున్నాడు. ఓ విష నాగును తీసుకొచ్చి మొదటి భార్య దగ్గర వదిలాడు. ప్లాన్ వర్కవుట్ అయింది. పాము గట్టిగా కాటేసింది. కానీ ఆ పాము కాటు నుంచి షానుబీ కోలుకుంది.

దీంతో రెండోసారి ఇదే ప్లాన్ ను అమలు చేశాడు. ఆశ్చర్యంగా రెండో సారి కూడా షానుబీ పాముకాటు నుంచి తప్పించుకుంది. దీంతో తప్పనిసరి పరిస్థితుల్లో భార్యను కట్టేసి, విషం ఇంజెక్షన్ ఇచ్చాడు మోజిమ్. గట్టిగా అరిచిన భార్య, తన తండ్రి సహాయంతో హాస్పిటల్ లో జాయిన్ అయి ప్రాణాలు దక్కించుకుంది.

మొదటి భార్య ఇచ్చిన ఫిర్యాదుతో మోజిమ్ తో పాటు, మరో ముగ్గుర్ని అదుపులోకి తీసుకున్నారు పోలీసులు. మూడు సార్లు విషప్రయోగం జరిగినా బతికి బయటపడిన షానుబీ, స్థానికంగా అందరి దృష్టిని ఆకర్షించింది. 

 

 <script async src="https://pagead2.googlesyndication.com/pagead/js/adsbygoogle.js?client=ca-pub-2469006669274971"

     crossorigin="anonymous"></script>

సర్కారు బడుల్లో పిల్లలకు ఏది రక్షణ-- మురళి ఆకునూరి

 రిటైర్డ్ ఐ .ఏ. ఎస్

 

రంగారెడ్డి జిల్లా చౌదరి గూడ మండలం పెద్ద ఎల్కిచర్ల మండల పరిషత్ ప్రాథమిక పాఠశాలలో

3వ తరగతి విద్యార్థిని పాము కాటు గురైన సంఘటన కలకలం రేపింది. టాయిలెట్ కు వెళ్లిన

విద్యార్థినిని పాము మూడు కాట్లు వేసింది. ఈ ఘటనతో తోటి విద్యార్థులు, విద్యార్థుల

తల్లిదండ్రులు భయాందోళనకు గురయ్యారు.  ఆ పాఠశాలలో అపరిశుభ్ర

వాతావరణం,  టాయిలెట్లు చెత్తతో నిండిపోయాయని అంటున్నారు. టాయిలె

ట్లు దుర్గంధం, దుర్వాసన కొడుతున్నాయని విద్యార్థుల తల్లిదండ్రులు ఆరోపిస్తున్నారు. చికిత్స

కోసం విద్యార్థిని అక్షితను  ఆసుపత్రికి తరలించారు. గ్రామస్థులు పామును కొట్టిచంపారు.

ప్రభుత్వ పాఠశాలలకు తమ పిల్లలను పంపించాలంటే భయంగా ఉందని తల్లిదండ్రులు

అంటున్నారు.

 

ప్రభుత్వ పాఠశాలలో 3వ తరగతి విద్యార్థిని పాము కాటుకు గురైంది.  దీంతో తోటి విద్యార్థులు

భయాందోళన చెందుతున్నారు. పాఠశాలలో అపరిశుభ్ర పరిసరాల కారణంగా ఇలాంటి

ఘటనలు తరచూ జరుగుతున్నాయని విద్యార్థులు తల్లిదండ్రులు ఆరోపిస్తున్నారు. పాఠశాల

పరిసరాలు, మరుగుదొడ్లు చెత్త చెదరంతో నిండి పోయాయని విద్యార్థుల తల్లిదండ్రులు అంటున్నారు.

బడులల్ల పాములు కరుస్తయి ఆస్పత్రులల్ల ఎలుకలు కరుస్తయి హాస్టళ్ల అన్నం లో

పురుగులు సాంబార్ల బల్లులు బడులల్ల ఆడపిల్లలకు మరుగుదొడ్లు కరువు

రైతుల ఆత్మహత్యలు నిరుద్యోగుల ఆత్మహత్యలు కౌలు రైతులకు మొండి చెయ్యి

పోలీస్ స్టేషన్లల్ల /ప్రభుత్వ ఆఫీసులల్ల లంచాలు ఇగ ఈయన దేశాన్ని ఎలగ

పెడతాడట

 

ధైర్యాన్నిమూటకట్టి, తుపాకీని చేతబట్టి ప్రాణాలను పణంగా పేట్టే, ఓ సైనిక వందనం!  

గవర్నర్ తమిళసై..!!

 

భారత్ చైనా దేశాల మధ్య యుద్ధ వాతావరణం నెలకొన్న సంగతి తెలిసిందే.అరుణాచల్ ప్రదేశ్ వద్ద సరిహద్దు దాటాలని 300 మంది చైనా సైనికులు మరణ ఆయుధాలతో.

ప్రయత్నాలు చేయగా 100 మంది భారత సైనికులు తరిమికొట్టారు.ఈ వీడియో సోషల్ మీడియాలో వైరల్ అవ్వుతోంది.

ఇక ఇదే సమయంలో పార్లమెంటు సమావేశాలలో చైనా విషయంలో వెనక్కి తగ్గే ప్రసక్తి లేదని కేంద్ర రక్షణ శాఖ మంత్రి రాజ్ నాథ్ సింగ్ తెలియజేశారు.

పరిస్థితి ఇలా ఉంటే తాజాగా తెలంగాణ గవర్నర్ తమిళసై దేశ సరిహద్దుల వద్ద చైనా కవ్వింపు చర్యలకు భారత్ సైనికులు తరిమి కొట్టడాన్ని ప్రశంసించారు.భారత్ సైనికుల సాహసాలు, సేవలు వెలకట్టలేనివి అని కొనియాడారు.సమాజంలో ప్రజలు ప్రశాంతంగా ఉన్నారంటే సరిహద్దుల వద్ద సైనికులు చేస్తున్న త్యాగాలే అందుకు ముఖ్య కారణం అని అన్నారు.

సికింద్రాబాద్ లోని మిలిటరీ కాలేజ్ ఆఫ్ ఎలక్ట్రానిక్స్ అండ్ మెకానికల్ ఇంజనీరింగ్ స్నాతకోత్సవంలో పాల్గొన్న సమయంలో తమిళసై ఈ వ్యాఖ్యలు చేయడం జరిగింది.

 <script async src="https://pagead2.googlesyndication.com/pagead/js/adsbygoogle.js?client=ca-pub-2469006669274971"

     crossorigin="anonymous"></script>

 

 మానవత్వం… వికసిస్తుంది మంచితనం… పరిమళిస్తుంది 

అవును, మూగజీవాలు ఒకదానికొకటి సాయం చేసుకున్నప్పుడు చూడటానికి మన రెండు కళ్ళు చాలవు.

తాజాగా అలాంటి ఘటనకు సంబంధించినటువంటి ఓ వీడియో సోషల్ మీడియాలో దర్శనం ఇచ్చింది.

దాంతో దానిని నెటిజన్లు తేరిపారా చేస్తున్నారు.ఇక్కడ ఒక కోతి జింకకు తినేందుకు ఆకులు అందిస్తూ సాయం చేస్తున్న వీడియోని గమనించవచ్చు.

IFS అధికారి సుశాంత నంద కోతి, జింక స్నేహాన్ని తెలిపే వీడియోని ట్విట్టర్ ద్వారా పంచుకున్నారు.ఇక ఆ వీడియోలో ఏముందో ఒకసారి చూస్తే, ఒక కోతి.

జింకకు అందని చెట్టు ఆకులను తినేందుకు సహకరిస్తోంది.ఈ అద్భుతమైన ఈ వీడియోలో రెండు జింకలు చెట్టు కింద నిలబడి, ఆకులను తినడానికి యత్నిస్తుండటం మనం చూడవచ్చు

కాగా ఆ చెట్టుయొక్క కొమ్మ బాగా ఎత్తులో ఉండడంతో జింకలు తినలేకపోతున్నాయి.వాటి ఇబ్బందిని గమనించి ఓ కోతి.కొమ్మపై కూర్చొని దాన్ని కిందకు వంగేలా వాటికి సాయం చేస్తుంది.దీంతో కింద ఉన్న రెండు జింకలకు కొమ్మలు అందడంతో.హాయిగా ఆ ఆకులు ఆరగిస్తున్నాయి.కాగా ఈ వీడియోలో కోతి, జింకలకు గల స్నేహం కొట్టొచ్చినట్టు కనబడుతోంది.

ఇక వీటిని చూసిన నెటిజన్లు ఇలాంటి గుణం కలిగిన జంతువులు మనుషుల కంటే వందరెట్లు నయం అని చెబుతున్నారు.కాగా ఈ వీడియో ఇప్పటి వరకు 55 వేలకు పైగా వ్యూస్ ను సాధించడం విశేషం..మీరు ఓ లుక్కేయండి 

 <script async src="https://pagead2.googlesyndication.com/pagead/js/adsbygoogle.js?client=ca-pub-2469006669274971"

     crossorigin="anonymous"></script>