పాకిస్తాన్‌లో డీఎస్పీ అయిన తొలి హిందూ మహిళ

 

పాకిస్తాన్‌లో తొలి హిందూ డీఎస్పీగా మనీషా రూపేటా రికార్డులకెక్కారు. అమ్మాయిలు మెడిసిన్ తప్ప మరే ఇతర కోర్సుల్లో కూడా చేరకూడదన్న నిబంధనలున్నా.. ఆమె తన లక్ష్యాన్ని ఎలా చేరుకున్నారు పేరు మనీషా రూపేటా.  పాకిస్తాన్ లో తొలి హిందూ డిప్యూటీ పోలీసు సూపరింటెండెంట్. సింధ్ దగ్గరున్న చిన్న పట్టణం జాకోబా బాద్ తన  ఊరు. స్కూలు చదువు అంతా అక్కడే సాగింది. అక్కడ అమ్మాయిలను చదివించే ట్రెండ్ లేదు. అమ్మాయిలను చదివించడానికి ఎవరూ ప్రాధాన్యత ఇవ్వరు.

ఎవరైనా ఉన్నత విద్య అభ్యసించినా కూడా వారికి ఎంబీబీఎస్ తప్ప వేరే కోర్సు చేసే అవకాశం లేదు. చేస్తే ఎంబీబీఎస్ చేయాలి, లేదా ఉద్యోగం మానేయాలి. ఎంబీబీఎస్ ను మాత్రమే ఎంపిక చేసుకోవాలి. ఎంబీబీఎస్ ప్రవేశ పరీక్షలో ఫెయిల్ అయితే వారికి మరొక కోర్సులో చేరే అవకాశమే ఉండేది కాదు. అలాంటి వాళ్లంతా చదువును ఆపేయడం తప్ప మరో మార్గం లేదు.  రూపేటా ఎంబీబీఎస్ ప్రవేశ పరీక్ష లో అర్హత సాధించలేదు. దాంతో, ఫిజికల్ థెరపీ కోర్సు ఎంపిక చేసుకున్నారు

మహిళలపై హింస జరిగే సమాజంలో వారికి రక్షణ కల్పించే స్థానాల్లో మహిళలు ఉండాలని తన  అభిప్రాయం. మహిళా రక్షకులు ఉండాల్సిన అవసరముంది. ఈ ఆలోచనే నేను పోలీసు ఉద్యోగం ఎంపిక చేసుకునేందుకు స్ఫూర్తినిచ్చిందని రూపేటా చెప్పారు

నేను ఒక్క మా సమాజానికి మాత్రమే ప్రతినిధిని కాదు. జీవితంలో ఏదైనా సాధించాలనుకునే ప్రతీ అమ్మాయికి ప్రతీకగా నిలుస్తూ, ప్రాతినిధ్యం వహిస్తాను. చిన్న చిన్న ప్రాంతాల నుంచి వచ్చిన వారికి కూడా పెద్ద పెద్ద కలలు ఉంటాయి.

బలవంతంగా మత మార్పిడులు చేయడం, అమ్మాయిలను అపహరించడం లాంటి వ్యవహారాలను మతపరమైన అంశాలుగా చూడటాన్ని నేను అంగీకరించను. ఇదొక సాంఘిక సమస్య. ఒక అమ్మాయి ఒక ఇంటి నుంచి పారిపోతే, ఆ అంశం చుట్టుపక్కల ఉన్నవారందరినీ ప్రభావితం చేస్తుంది. ఇది మొత్తం సమాజంపై ప్రభావం చూపిస్తుంది. ఈ సమస్యను మరింత విస్తృతంగా చూస్తే, ఇది సామాజిక ఆర్ధిక సమస్యగా కనిపిస్తుంది.

ఇలాంటి కారణాల వల్లే, మేధో వలసలు జరుగుతున్నాయి. ఇక్కడున్న భద్రతా కారణాల వల్ల చాలా మంది వలస వెళ్లిపోతున్నారు.

అందరూ కలిసి పని చేయడమే దీనికి పరిష్కారం. నేరం నేరమే. తప్పు తప్పే. బాధితులు ఎవరైనప్పటికీ అది మొత్తం సమాజం పై ప్రభావం చూపిస్తుంది.

నాకు ఎనలేని స్పందన లభించింది. మా చుట్టుపక్కల వారు కూడా అందరూ నన్ను ప్రశంసించారు.

జాతి మొత్తం ప్రశంసించింది. ప్రతీ ఒక్కరు పొగడ్తలతో ముంచెత్తారు. కానీ మా బంధువుల్లో కొంత మంది మాత్రం నేనీ ఉద్యోగాన్ని ఎక్కువ కాలం చేయలేనని అంటున్నారు. నేను ఈ రంగంలో కొనసాగలేనని మాట్లాడుతున్నారు.

నా గురించి ప్రత్యేకంగా వారికి ఎలాంటి అభిప్రాయమూ లేదు. కానీ, అమ్మాయిలు పోలీసు అధికారులు కాలేరనే సమాజంలో నెలకొన్న సాధారణ అభిప్రాయం వారు అలా మాట్లాడేలా చేస్తోంది. ఆ భయంతోనే వారలా మాట్లాడుతున్నారు.

వారికున్న మూస అభిప్రాయాల వల్లే అమ్మాయి ఈ ఉద్యోగంలో కొనసాగలేదని అభిప్రాయపడుతున్నారు. వారు కూడా వారి పిల్లలను ఈ వృత్తిని ఎంచుకోవడానికి అంగీకరించి ఉండరు.

పితృస్వామ్య సమాజంలో పురుషులు మాత్రమే పోలీసు వృత్తిలో రాణించగలరని అనుకుంటారు. అది వారి అభిప్రాయం.

మరో ఒకటి, రెండేళ్లలో వాళ్ళ మాటలను వెనక్కి తీసుకుంటారని నేననుకుంటున్నాను. అప్పటికి వారింట్లో కూడా ఒక అమ్మాయి పోలీసు వృత్తిని ఎంచుకోవచ్చు.

నేనొక ప్రైవేటు అకాడెమీలో పాఠాలు చెబుతున్నాను. నేను టీచింగ్ మాత్రమే కాకుండా విద్యార్థులకు మార్గదర్శకత్వం కూడా వహిస్తాను. నా మార్గదర్శకత్వంలో చాలా మంది అమ్మాయిలు ముందుకు వెళతారనే ఆలోచన ఈ పని చేసేందుకు నన్ను ప్రోత్సహిస్తూ ఉంటుంది. విద్యార్థులకు కూడా ప్రోత్సాహకరంగా ఉండొచ్చు.