మావోయిస్టుల లేఖ!

తెలుగు రాష్ట్రాల్లో ఇటీవల కురిసిన వర్షాలకు భారీ నష్గం వాటిల్లింది. ఈ నేపథ్యంలో మావోయిస్టులు రెండు ప్రభుత్వాలకు లేఖ విడుదల చేశారు.

భద్రాద్రి కొత్త గూడెం-అల్లూరి సీతారామరాజు డివిజన్ కమిటీ పేరుతో లేఖ విడుదల చేసింది మావోయిస్టు పార్టీ. గోదావరి వరద బాధితులను ఆదుకోవడంలో ఏపీ, తెలంగాణ ప్రభుత్వాలు విఫలం అయ్యాయని లేఖలో ఆరోపించింది. పునరావాస కేంద్రాల్లో బాధితులు ఆకలితో అలమటిస్తున్నారని,  ఆదిలాబాద్ నుంచి భద్రాచలం వరకు సుమారు 500 గ్రామాలు ముంపు సమస్యను ఎదుర్కొంటున్నాయని లేఖలో పేర్కొంది. ఇరు రాష్ట్రాల్లో గోదావరి వరదల నుంచి శాశ్వత రక్షణ కోసం లక్ష కోట్ల ప్యాకేజి ప్రకటించాలని మావోయిస్టు పార్టీ డిమాండ్ చేసింది. బీకే-ఏ.ఎస్.ఆర్. కమిటీ కార్యదర్శి ఆజాద్ పేరుతో ఈ లేఖ విడుదల చేశారు.

తెలుగు రాష్ట్రాల్లో ఇటీవల కురిసిన వర్షాలకు భారీ నష్గం వాటిల్లింది.  ముఖ్యంగా తెలంగాణలోని నిర్మల్, బైంసా, మంచిర్యాల, మంథని, రామగుండం, భద్రాచలం పట్టణాల్లోని చాలా కాలనీలు నీట మునిగి ఆయా ప్రాంతాలు అస్తవ్యస్తమయ్యాయి. రోడ్లు, భవనాలు, విద్యుత్ స్థంభాలు నెలకొరిగాయి. ఇటీవల కురిసిన భారీ వర్షాలు, గోదావరి వరదల  తెలంగాణ లో రూ. 1,400 కోట్ల నష్టం వాటిల్లినట్లు ప్రభుత్వం అంచనా వేసింది. వరద నష్టాలపై కేంద్రానికి నివేదిక కూడా అందించింది. తక్షణమే రూ. 1000 కోట్లు సాయం కింద విడుదల చేయాలని కేంద్రాన్ని, రాష్ట్ర ప్రభుత్వం కోరింది. రోడ్లు భవనాల శాఖకు సంబంధించి రూ.498 కోట్ల నష్టం వాటిల్లింది. పంచాయితీ రాజ్ శాఖలో రూ.449 కోట్లు ఇరిగేషన్ డిపార్ట్మెంట్ రూ.33 కోట్లు మున్సిపల్ అడ్మినిస్ట్రేషన్ లో రూ.379 కోట్లు విద్యుత్ శాఖలో రూ. 7 కోట్ల నష్టం వాటిల్లింది. ఏపీలోని గోదావరి పరివాహక ప్రాంతాలు, లంక గ్రామాలు తీవ్రంగా నష్టపోయాయి. భద్రాచలం కింద వున్న విలీన గ్రామాల పరిస్థితి అధ్వాన్నంగా వుంది. ఇటు ఏపీ, అటు తెలంగాణ సీఎంలు ఏరియల్ సర్వేల ద్వారా వరద ప్రాంతాలను పరిశీలించారు. వరద బాధితులను ఆదుకుంటామని భరోసా ఇచ్చారు.

భారీవర్షాలు, గోదావరి వరదల)వల్ల వేలాది మంది ఇబ్బంది పడుతున్న సంగతి తెలిసిందే. వరద ప్రభావం వల్ల ఇళ్ళను కోల్పోయారు

 

 కేరళలో NEET పరీక్షపై మానవ హక్కుల సంఘం సీరియస్...

 

మెటల్ హుక్స్ ఉన్న బ్రాలను తొలగించాలని పరీక్షా కేంద్రంలో సిబ్బంది ఒత్తిడి చేశారు. దాంతో ఓ అమ్మాయి 

 బ్రా లేకుండానే మూడు గంటలు పరీక్ష రాసింది. ఆ విషయాన్ని తన తండ్రికి చెప్పగా.. ఆయన మీడియా 

ముందు విషయాన్ని తెలియజేశారు. పోలీసులకు ఫిర్యాదు కూడా చేశారు. ఆ తర్వాత మరికొంతమంది 

విద్యార్థినులు కూడా ఇదే తరహాలో ఫిర్యాదు చేశారు. లో దుస్తుల లేకుండా పరీక్ష రాయడంతో చాలా ఒత్తిడికి గురయ్యామని వారంతా వాపోయారు. దాంతో వివాదం ముదిరింది. ఈ అంశంపై మానవ హక్కుల సంఘం స్పందించి. పదిహేను రోజుల్లోగా దర్యాప్తు చేసి నివేదిక ఇవ్వాలని కొల్లాం రూరల్ ఎస్పీని ఆదేశించింది. కేరళ విద్యాశాఖ మంత్రి ఆర్.బిందు కూడా దీనిపై ఆగ్రహం వ్యక్తం చేశారు. ఈ వ్యవహారంలో ఎన్‌టీఏపై చర్యలు తీసుకోవాలని డిమాండ్ చేస్తూ కేంద్ర మంత్రి ధర్మేంద్ర ప్రధాన్‌కు లేఖ రాశారు. అయితే మొదట ఇవన్నీ ఆరోపణలని, బాలికలు చెబుతున్నవన్నీ అబద్ధాలేనని నేషనల్‌ టెస్టింగ్‌ ఏజెన్సీ కొట్టిడేసింది. కానీ కొల్లంలో పర్యటించేందుకు ఎన్టీఏ నిజనిర్ధారణ కమిటీని ఏర్పాటు చేసింది.

 నాలుగు వారాల్లో ప్యానెల్ తన నివేదికను సమర్పించనుందని అధికారులు తెలిపారు.పోలీసులు మరో ఇద్దరిని అరెస్ట్ చేశారు. గురువారం నీట్ అబ్జర్వర్, ఎగ్జామ్ కో ఆర్డినేటర్‌ను పోలీసులు విచారించి తర్వాత అరెస్ట్ చేసినట్టు ఒక అధికారి తెలిపారు. వీరి అరెస్ట్‌తో ఇప్పటి వరకు ఏడుగురుని అదుపులోకి తీసుకున్నారు. అమ్మాయిల లో దుస్తులను విప్పించిన సమయంలో డ్యూటీలో ఉన్న ఐదుగురు మహిళలను మంగళవారం అరెస్ట్ చేశారు. వీరిలో ముగ్గురు నేషనల్ టెస్టింగ్ ఏజెన్సీ (ఎన్‌టీఏ) నియమించిన ఏజెన్సీలో పనిచేస్తుండగా.. ఇద్దరు ఘటన జరిగిన ఆయూర్‌లోని ప్రైవేట్ విద్యాసంస్థలో పనిచేస్తున్న వారు. కొల్లాంలోని మార్థమాస్ ఇన్‌స్టిట్యూట్ ఆఫ్ టెక్నాల‌జీ కేంద్రంలో విద్యార్థినులను లో దుస్తులను తీసేసిన తర్వాతే లోపలికి అనుమతించినట్టు మొదట ఆరోపణలు వచ్చాయి. దీనిపై ఐదుగురు ఫిర్యాదు చేశారు. దీంతో కాలేజీలో ఉన్న సీసీ టీవీ ఫుటేజీని పోలీసులు పరిశీలించినట్టు తెలుస్తుంది.

 

సామాన్యుడి నడ్డి విరిచేలా జి. ఎస్. టి సవరణలు

సవరించిన వస్తువులు, సేవల పన్ను (జీఎస్‌టీ) సోమవారం నుంచి అమలులోకి వచ్చింది. దీంతో.. బ్రాండ్ పేరుతో ప్యాకెట్లలో అమ్మే బియ్యం, గోదుమలు, గోదుమ పిండి వంటి వివిధ సరకులు కొనుగోలు చేయాలంటే వినియోగదారులు ఇప్పుడిక మరిన్ని డబ్బులు వెచ్చించాల్సి ఉంటుందని ఏఎన్ఐ వార్తా సంస్థ ఒక కథనంలో వెల్లడించింది.

దీని ప్రకారం, ముందుగా ప్యాకేజ్ చేసి, లేబుల్ వేసిన బియ్యం, గోధుమలు, గోధుమ పిండి వంటి పప్పులు, ధాన్యాలపై ఇక నుంచి 5 శాతం జీఎస్‌టీ వసూలు చేస్తారు.

ఈ సరకుల మీద జీఎస్‌టీ పెంచాలని చండీగఢ్‌లో జరిగిన 47వ జీఎస్‌టీ కౌన్సిల్ సమావేశంలో నిర్ణయం తీసుకున్నారు.

పెరుగు, లస్సీ, మరమరాలు వంటి ఇతర సరకులను కూడా ప్యాకేజ్ చేసి, లేబుల్ వేస్తే.. వాటికి సైతం 5 శాతం జీఎస్‌టీ వర్తిస్తుంది.

అయితే.. ఇవే వస్తువులు (పప్పులు, ధాన్యాలు, పిండి మొదలైనవి) 25 కిలోలు లేదా 25 లీటర్లకు మించి ఒకే ప్యాకేజీగా ఉన్నట్లయితే అవి ప్రీ-ప్యాకేజ్డ్ అండ్ లేబుల్డ్ కేటగిరీ కిందకు రావని ఆర్థిక మంత్రిత్వశాఖ ప్రచురించిన తరచుగా అడిగే ప్రశ్నలు (ఎఫ్ఏక్యూ) పత్రంలో వివరించింది.

అలాగే.. ముద్రణ, రాత, డ్రాయింగ్ ఇంకు, కత్తులు, పేపర్ కత్తులు, పెన్సిల్ షార్పెనర్లు, బ్లేడ్లు, స్పూన్లు, ఫోర్కులు, స్కిమ్మర్లు, కేక్ సర్వర్లు వంటి ఇతర వస్తువుల ధరలు కూడా పెరుగుతాయి. ఈ వస్తువుల మీద ఇప్పుడు జీఎస్‌టీని 12 శాతం నుంచి 18 శాతానికి పెంచారు.

ఇక ఎల్ఈడీ బల్బులు, సోలార్ వాటర్ హీటర్ల మీద ఇంతకు ముందు 12 శాతం జీఎస్‌టీ ఉండగా, ఇక నుంచి 18 శాతం వసూలు చేస్తారు.

ద్రవ పానీయాలు లేదా డెయిరీ ఉత్పత్తులను ప్యాక్ చేయటానికి ఉపయోగించే టెట్రా ప్యాక్ (అసెప్టిక్ ప్యాకేజింగ్ పేపర్) మీద జీఎస్‌టీని 12 శాతం నుంచి 18 శాతానికి పెంచారు.

అంటే టెట్రా ప్యాకుల్లో కొనే పాలు, పెరుగుల్లాంటివి ఇక ముందు ధర పెరుగుతాయి.

కట్ చేసిన, పాలిష్ చేసిన వజ్రాల మీద ఇంతకుముందు 0.25 శాతంగా ఉన్న జీఎస్‌టీని ఇప్పుడు 1.5 శాతానికి పెంచారు.

అలాగే.. రూ. 1,000 వరకూ ఉన్న హోటల్ గదుల అద్దెల మీద ఇప్పుడు 12 శాతం జీఎస్‌టీ విధించారు.

బ్యాంకులు చెక్కులు ఇష్యూ చేసేందుకు ఇకపై 18 శాతం జీఎస్‌టీని వసూలు చేస్తాయి.

తగ్గింపు కొన్నింటికే

రోప్‌వేల ద్వారా సరకులు, ప్రయాణికుల రవాణా మీద విధించే జీఎస్‌టీని 18 శాతం నుంచి 5 శాతానికి తగ్గించారు.

ఇంధన ఖర్చు కూడా కలిసివుండే.. ట్రక్కులు, గూడ్స్ క్యారేజీల అద్దె తగ్గనుంది. దీని మీద 18 శాతంగా ఉన్న జీఎస్‌టీని 12 శాతానికి తగ్గించారు.

 

 

పొరపాటును ఒప్పుకోవటం తెలిసిన మహా నాయకురాలు సీతక్క

రాష్ట్ర‌ప‌తి ఎన్నిక‌ల్లో తెలంగాణ‌లోని ములుగు కాంగ్రెస్ ఎమ్మెల్యే సీత‌క్క పొర‌పాటు చేశారు. విప‌క్షాల రాష్ట్ర‌ప‌తి అభ్య‌ర్థిగా య‌శ్వంత్ సిన్హా, ఎన్‌డీఏ కూట‌మి త‌ర‌పున ద్రౌప‌ది ముర్ము బ‌రిలో నిలిచారు. య‌శ్వంత్ సిన్హాకు కాంగ్రెస్ స‌హా మెజార్టీ ప్ర‌తిప‌క్ష పార్టీలు మ‌ద్ద‌తు ప్ర‌క‌టించాయి.

ఈ నేప‌థ్యంలో ఇవాళ రాష్ట్ర‌ప‌తి ఎన్నిక‌లు దేశ వ్యాప్తంగా ప్రారంభ‌మయ్యాయి. తెలంగాణ‌లో ఆ రాష్ట్రానికి చెందిన 119 ఎమ్మెల్యేల‌తో పాటు ఏపీకి చెందిన కంద‌కూరు వైసీపీ ఎమ్మెల్యే మానుగుంట మ‌హీంద‌ర్‌రెడ్డి ఆ రాష్ట్ర అసెంబ్లీలో హ‌క్కు వినియోగించేందుకు అధికారులు ఏర్పాట్లు చేశారు. మ‌హీంద‌ర్‌రెడ్డితో పాటు అత్య‌ధిక శాతం మంది ఎమ్మెల్యేలు ఇప్ప‌టికే ఓటు హ‌క్కు వినియోగించుకున్నారు.

ఇదిలా వుండ‌గా త‌మ అభ్య‌ర్థి య‌శ్వంత్ సిన్హాకు బ‌దులు ద్రౌప‌ది ముర్ముకు కాంగ్రెస్ ఎమ్మెల్యే సీత‌క్క ఓటు వేయ‌డం చ‌ర్చ‌నీయాంశ‌మైంది. ద్రౌప‌ది ముర్ము గిరిజ‌న మ‌హిళ‌. సీత‌క్క కూడా అదే సామాజిక వ‌ర్గం కావ‌డంతో చ‌ర్చ‌కు దారి తీసింది. తాను పొరపాటున ముర్ముకు ఓటు వేసినట్టు అధికారుల దృష్టికి సీతక్క తీసుకెళ్లారు. మళ్లీ ఓటు వేసేందుకు అనుమతి ఇవ్వాలని అధికారులను సీత‌క్క కోర‌డం గ‌మ‌నార్హం.

అయితే ఒక్క‌సారి ఓటు హ‌క్కు వినియోగించుకున్న త‌ర్వాత నిబంధ‌న‌ల ప్రకారం మరోసారి అవకాశం ఇవ్వలేమని అధికారులు స్ప‌ష్టం చేయ‌డంతో సీత‌క్క నిరాశ చెందారు. అసెంబ్లీ నుంచి బయటకు వచ్చిన తర్వాత త‌న వైపు నుంచి పొర‌పాటు జ‌ర‌గ‌డాన్ని మీడియాతో సీత‌క్క పంచుకోవ‌డం విశేషం.

 

 

ప్రజల తప్పుల వల్లే ఈ కుంభవృష్టి

 

లష్కర్ బోనాల  జాతరలో రెండో రోజైన సోమవారం ఆలయంలో రంగం కార్యక్రమం నిర్వహించారు. ఈ సందర్భంగా అమ్మవారి భక్తురాలైన స్వర్ణలత భవిష్యవాణి వినిపించారు. వారి  మాటల్లోనే..

‘మొక్కుబడిగా పూజలు చేస్తున్నారు. గతంలో చేసినట్టుగా పూజలు చేయడంలేదు. ఆలయంలో పూజలు సరిగా జరగడంలేదు. గర్భాలయంలో శాస్త్రోక్తంగా పూజలు చేయాలి. నా రూపాన్ని ఇష్టం వచ్చినట్టు మారుస్తున్నారు. నా రూపాన్ని స్థిరంగా ఉంచండి. నా సంతోషానికి కాదు.. మీ సంతోషానికే పూజలు.. మీ కళ్లు తెరిపించడానికే ఇలా వర్షాలు కురిపిస్తున్నాను. ఎన్ని తప్పులు చేసినా నా బిడ్డలేనని క్షమిస్తున్నాను’’ అని అన్నారు.  మీ సంతోషం కోసం పూజలు చేస్తున్నారే తప్ప నాకోసం కాదు. మీరు చేసే తప్పులన్నీ కడుపులోనే దాచుకుంటున్నాను. నా గర్భగుడిలో పూజలు శాస్త్రోస్తకంగా పూజలు చేయండి. మీరు ఎన్ని తప్పులు చేస్తున్నా నా బిడ్డలే కదాని భరిస్తున్నాను. మీకు ఇష్టం వచ్చినట్లు నా రూపాన్ని మార్చేస్తున్నారు. నావన్నీ కాజేస్తున్నారు. నాకు శాశ్వతరూపం కల్పించండి. భక్తులు నన్ను కనులారా దర్శించుకునేలా ఏర్పాట్లు చేయండి. మీరంతా నా పట్ల చేసే తప్పుల విషయంలో నా ఆగ్రహాన్ని వర్షాల రూపంలో చూపించాను. ఆగ్రహంతోనే భారీవర్షాలు కురిపించాను. నా గురించి మీకు తెలియాలనే ఇలా చేశా’ అని అమ్మవారు స్పష్టం చేశారు.

 

రాష్ట్రపతి ఎన్నికలు: పార్లమెంటుతోపాటు రాష్ట్రాల అసెంబ్లీలలో

రాష్ట్రపతి ఎన్నికలకు అంతా సిద్ధమయ్యింది. ఆంధ్రప్రదేశ్ అసెంబ్లీ హాల్‌లో ఈ ఎన్నికలకు సంబంధించిన పోలింగ్ ఏర్పాట్లు పూర్తి చేశారు. ఉదయం 10 గంటల నుంచి పోలింగ్ మొదలైంది. సాయంత్రం 5 గంటల వరకూ సాగుతుంది.

ఏపీకి చెందిన 175 మంది ఎమ్మెల్యేలు తమ ఓటు హక్కు వినియోగించుకుంటారు. ఎన్డీయే తరుపున ద్రౌపది ముర్ము, విపక్షాల తరుపున యశ్వంత్ సిన్హా పోటీపడుతున్నారు. ఇప్పటికే ముర్ము ఏపీలో కూడా పర్యటించారు. వైఎస్సార్సీపీ, టీడీపీ నేతలను కలిశారు. తనకు మద్ధతు ప్రకటించిన ఇరు పార్టీలకు ధన్యవాదాలు తెలిపారు.

తెలంగాణ అసెంబ్లీ కమిటీ హాల్ 2 లో రాష్ట్రపతి ఎన్నికల పోలింగ్ ప్రారంభమైంది. తెలంగాణకు చెందిన 119 మంది ఎమ్మెల్యేలు ఓటు హక్కు వినియోగించుకోనున్నారు.ఆంధ్రప్రదేశ్ మాజీ మంత్రి కందుకూరు శాసనసభ్యులు మహిధర్ రెడ్డి హైదరాబాదులోనే ఓటు వేయనున్నారు.

టీఆర్ఎస్ ఎమ్మెల్యేలకు ఆల వెంకటేశ్వర్ రెడ్డి, హన్మంత్ షిండే ఏజెంట్లుగా వ్యవహరిస్తుండగా, మాజీ ఎమ్మెల్యే మహేశ్వర్ రెడ్డి కాంగ్రెస్ పార్టీకి, ఎమ్మెల్యే రఘునందన్‌రావు బీజేపీకి ఏజెంట్‌గా వ్యవహరిస్తున్నారు.

ఏపీ అసెంబ్లీలో అధికారికంగా వైసీపీకి 151 మంది, టీడీపీకి 23 మంది, జనసేన తరుపున ఒకరు ఎమ్మెల్యేగా ఉన్నారు. రెండు ప్రధాన పార్టీలు ద్రౌపది ముర్ముకి మద్ధతు ప్రకటించాయి. జనసేన బీజేపీకి మిత్రపక్షంగా ఉంది. కానీ ఆపార్టీ ఎమ్మెల్యే ఇప్పటికే వైఎస్సార్సీపీ వైపు మొగ్గుచూపడంతో అధికారికంగా మద్ధతు ప్రకటించలేదు.

అయినపప్పటికీ అసెంబ్లీలో జనసేన ఎమ్మెల్యే సహా అందరి ఓట్లు ముర్ముకి దక్కే అవకాశాలు కనిపిస్తున్నాయి. ఎన్నికలకు సంబంధించి ఎన్నికల సంఘం ప్రధాన అధికారి ముఖేష్ కుమార్ మీనా నేతృత్వంలో ఏర్పాట్లు చేశారు కేంద్ర పరిశీలకులు వాటిని పరిశీలించారు. అసెంబ్లీ హాల్ లో చేసిన ఏర్పాట్లపై సంతృప్తి వ్యక్తం చేశారు.

ఎన్నికల ప్రక్రియ ను వీడియో తీయబోతున్నారు. పోలింగ్ తర్వాత బాక్సులు స్ట్రాంగ్ రూమ్ కి తరలిస్తారు. ఈనెల 21వ తేదీన ఓట్లు లెక్కించబోతున్నారు.

 

 

గోదారమ్మా ఇక శాంతించు..

భారీ వర్షాల నేపథ్యంలో గోదావరి మహోగ్రరూపం దాల్చింది. 36 ఏళ్ల తర్వాత మొదటిసారి రికార్డు స్థాయిలో 70 అడుగులు దాటి వరద నీరు ప్రవహిస్తోంది. శుక్రవారం మధ్యాహ్నం 2.30 గంటల ప్రాంతంలో భద్రాచలం వద్ద గోదావరి నీటి మట్టం 70 అడుగులు దాటిందిఇదిలా ఉండగా.. 

గత 50 ఏళ్లలో మూడు సార్లు మాత్రమే గోదావరి నీటి మట్టం 70 అడుగులు దాటింది. ఇక, ప్రస్తుతం గోదావరిలోకి 24 లక్షల క్యూసెక్కుల వరద నీరు వచ్చి చేరుతోంది. దీంతో, అధికారులు భద్రాచలం గోదావరి కరకట్టను డేంజర్‌ జోన్‌గా ప్రకటించారు. ఇప్పటికే భద్రాచలంలో పలు కాలనీలు నీటమునిగాయి. రామాలయం ప్రాంతంలోని ఇళ్లలోకి వరద నీరు చేరింది. 2వేల కుటంబాలను పునరావాస కేంద్రాలకు తరలించారు. కాగా, గోదావరి పరివాహక ప్రాంతాల ప్రజలు అప్రమత్తంగా ఉండాలని అధికారులు హెచ్చరించారుఎగువనున్న మహారాష్ట్ర, తెలంగాణ, ఛత్తీస్‌గఢ్, ఒడిశాల్లో విస్తారంగా వర్షాలు కురవడంతో గోదావరి, దాని ఉప నదులు ప్రాణహిత, ఇంద్రావతి, శబరి, కడెంవాగు ఉప్పొంగుతున్నాయి. దీంతో ఉప్పెనలా గోదావరి వరదతో విరుచుకుపడుతోంది. వరద ఉధృతి ధాటికి శ్రీరాంసాగర్‌ ప్రాజెక్టు నుంచి ధవళేశ్వరం వరకూ ఉన్న తొమ్మిది ప్రాజెక్టుల గేట్లను పూర్తిగా ఎత్తేశారు. అలాగే, కాళేశ్వరం ప్రాజెక్టులో అంతర్భాగమైన పార్వతి, లక్ష్మీ, సరస్వతి బ్యారేజ్‌లను గోదావరి వరద ముంచెత్తింది.

లక్ష్మీ బ్యారేజ్‌ వద్దకు 28.30 లక్షల క్యూసెక్కులు చేరడంతో కాళేశ్వరం వద్ద వరద నీటిమట్టం 16.72 అడుగులకు చేరుకుంది. గోదావరి చరిత్రలో 1986లో రికార్డు స్థాయిలో 35,06,338 క్యూసెక్కులు ప్రవాహం వచ్చినప్పుడు కాళేశ్వరం వద్ద వరద నీటిమట్టం 15.75 అడుగులుగా నమోదైంది. ఇప్పుడు ఆ రికార్డు చెరిగిపోవడం గమనార్హం. ఇక ఎగువ నుంచి భారీ వరద వస్తుండటంతో భద్రాచలం వద్ద గోదావరి ప్రవాహం అత్యంత ప్రమాదకర స్థాయిని దాటిపోయింది.